गीत

                          -विनीता देवान राई

भुलिदेऊ, अब माटोलाई अँगाल्दै छु म

बिर्सिदेऊ, अब धरतीमा गुन्गुनाउन थालेँ म ।

सधैँभरि साथ दिने वाचा झुटो भयो

रहेन ज्यान मेरो दैवले नै हात लियो ।

सपना एउटै थियो सँगै बाँच्ने, सँगै मर्ने

हामी भयौँ आज न्याउलीको कथा बोक्ने ।

पापी रहेछ त्यो समय धड्कन मेरो खोसी लग्यो

सारा संसार मेरै भन्थेँ खाली हात पारिछाड्यो

तिम्रो साथ छुट्यो, आफन्त पनि छुटाइदियो

निठुरी समयले जतासुकै आफन्तलाई रुवाइदियो ।

                                              -इटहरी-१